提早食團年飯 《BIO 7》為你帶來不一樣既恐怖

CAPCOM既恐怖求生遊戲《BIOHAZARD》

最新作《BIOHAZARD  7》係上星期六已經偷跑,相信急不及待既人都已經爆左機,講真今集比起之前既《4》、《5》、《6》更接近「恐怖求生」呢個題材。遊戲最初先給予一種強烈既恐怖感,然後再從絕境生存下來。

十多小時內三種感覺
遊戲可以話給玩家三種唔同既感覺,所以小編特別把整個遊戲分成以下3個部份。

大宅係堅驚遊戲初段主要係大宅內進行,係手無寸鐵既狀況下係大宅入面困獸鬥,仲要有個好像不死既阿伯追擊,真係心慌慌,特別係屍菌出現後,更發覺子彈數量嚴重唔夠…不過係大宅探索時的確好有初代《BIO》既感覺,除左要搵KEY ITEM,仲有D地方要解謎。

大宅後開始習慣
當打完為你張開雙腿既阿嬸之後,就開始為上船作準備,呢個時候你手上已經有各種強力武器,如似SHOT GUN、火炎噴射器等等,心都定番D,即使面對住果D只可以爆頭既屍菌,都唔會好似之前咁手忙腳亂。
不過值得一提既係,跟阿伯個仔既糾纏果段,確實有唔少要解謎既地方,需花點時間去解決。
上到船後玩家要改為操控Mia,係呢個時間係有D怕,因為又係手無寸鐵,不過一拎到武器和炸彈後,就回復習慣應付怪物既心情。

最後就開始接近鎗GAME
去到主角被Mia救出後,成個遊戲已經唔再覺恐怖,反而感覺有D似大開殺戒,手上既武器多左,子彈還算充裕,解謎既部份少左,戰鬥多左。感覺無最初玩時咁恐佈。

道具管理好重要
不過今集既道具管理相當重要,究竟要帶乜野武器和道具係身,玩家需要慎重考慮,因為空間好有限,如果浪費1格都會令自己失去一次回復或攻擊機會,好似小編係射擊能力較弱,所以點都會帶刀仔破木箱,儲多D子彈去應戰。

VR模式頭暈解決方案
好多人玩VR模式時感到頭暈,其實好多都唔知道,係遊戲入面選項可以調整VR模式時畫面震盪既幅度,甚至視點既轉移幅度,只要調節一個合適自己既程度,係VR模式進行遊戲時就唔會咁易暈。

相关文章:  18年再度推出全新電視動畫《龍珠超》